مالپەرا لیناڤا


کورتیەک ژ دیروکا لیناڤا

Verwendetes Bildmaterial
Alpamayo peak on sunset1 / 3757250 - Galyna Andrushko [fotolia.com]

 

گوندێ لیناڤا

 

دکه‌ڤیته‌ باکورێ باژێرێ دهوکێ بدیراتیا 10 کیلومه‌ترا ،سه‌ر ب ناحیا زاویته‌ڤه‌یه . نها زیده‌تر ژ 70 مال دبن لێ بتنێ نێزیکی 20 مالا لسه‌ر گوندی دژین ،ئه‌ڤێن دی هه‌می لباژێرێ دهوکێ دژین، پرانیا گوندێ لیناڤا ژ ئێک مالبات پێک تێن. ده‌ستپێکا شوره‌شێ و لڤینا هەستا نەتەوایەتی دناڤ خەلکێ کوردستانێ دا ،گوندێ لیناڤاژی ژڤێ چەندێ بێ بەهر نەبو .گوندێ لیناڤا به‌شداری یه‌کا باش هه‌بو دبه‌رخودان و قوربانی دانێدا،نمونێت ڤێ چەندێ ژی  شەهیدێ بناڤ و دەنگ ئەحمەد حجی محێ کو لسالا ١٩٦٦ ل شەری زوزکی دبەرخوداناک بێ وێنەدا هاتە شەهیدکرن،هەروەسا شەهید عبدلقادر عبدلعزیز کو  ژلایێ رزێمێ ڤە هاتە گرتن و ل زیندانا موسل ل ژێر ئەشکەنجێ شەهید بو،شەهیدەکێ دی یێ بناڤ و دەنگ صدیق عبدلقادرلیناڤای بو  کو ل سالا١٩٧٤ ل شەرێ چیایێ دهوکێ ل بەرەیێ کوپێ رەنیێ دشەرەکێ بێ وێنەدا شەهید بو،ئەڤەو چەندین قوربانی و مالوێرانی دریا کوردایەتیێ دا بوینە بارا گوندێ لیناڤا. بئه‌گه‌را نێزیکی یا گوندی ژدهوکێ گه‌له‌ک جارا هه‌تیه‌ سوتن و‌ وێرانکرن ،ببه‌رده‌وامی دهاته‌ توپ بارانکرن‌

بو جارا ئێکێ سالا 1961 ژ لایێ رژێمێ ڤه‌ هاتیه‌ سوتن .ئێکه‌ ژوان گوندا یێن ده‌ستپێکا سوره‌شێ هاتیه‌ وێرانکرن ئانکو لده‌ڤه‌را دوسکی یا ل دەستپێکێ  هاته‌ سوتن

جارا دوێ سالا 1963 جاره‌کادی هاته‌ سوتن پشتی هێزێن رژێمێ گه‌هشتینه‌ گوندی

سالا1967 جاره‌کادی بده‌ستێ جاشێن رژێمێ هاته‌ سوتن

بڤی ئاوایی ڤی گوندی ته‌ناهی بخوڤه‌ نه‌دی تی یه‌.

لده‌مێ ده‌ستپێکرنا دان و ستاندنێن سالا 1970  دناڤبه‌را شوره‌شێ و رژێما ءیراقێ دا ده‌ست پێ کرین ،گوندی لیناڤا جاره‌کادی هاته‌ ئاڤاکرن هنده‌ک ته‌ناهی بخوڤه‌ دیت لێ گه‌له‌ک نه‌کێشا دان و ستاندن بدیماهیک هاتن شه‌ری جاره‌کادی بدژواری ده‌ست پێ کر ڤێجا گوندێ لیناڤا جاره‌کادی ببه‌رده‌وامی هاته‌ توپ بارانکرن ژڤێ ئه‌گه‌رێ گوند هاته‌ چولکرن ژلایێ گوندی یا ڤه‌ هه‌ر هنده‌ک بو جهه‌کی چون هنده‌ک لئاقارێ گوندی مان و هنده‌ک ژی چونه‌ هنده‌ک گوندێن دیر ژ توپ بارانکرنێ ڤان کاودانێن نه‌ خوه‌ش ڤه‌کێشا هه‌تا تێکچونا شوره‌شا کوردستانێ ل سالا 1975 هه‌رکه‌سه‌ک زڤری سه‌ر جهو مالێن خو

هه‌می خه‌لکێ گوندی جاره‌کادی زڤرینه‌ سه‌ر گوندی بڤی ئاوایی خه‌لک لسه‌ر گوندی مان تاکو جاره‌کا دی شوره‌شا کوردستانی ده‌ستپێکری هیدی هێدی کاودانێن نه‌خوه‌ش ده‌ستپێکر ولده‌مێ په‌یدا بونا پێشمه‌رگه‌ی چه‌ندین جارا به‌ری روژ بهه‌لێت گوند دا تژی جێش و هێزێن تایبه‌ت بیت گه‌له‌ک خه‌لک دهاته‌ئازاردان ژلایێ هێزێن رژێمێ ڤه

پشتی ده‌ستپێکرنا شه‌رێ عیراق و ئیرانێ لاوازی یا رژێمێ و زێده‌بونا پێشمه‌رگه‌ی ،توپ بارانکرنا گوندی جاره‌کادی وه‌کی به‌رێ ده‌ستپێکر،هوسا ئه‌ڤ کاودانه‌ برێڤه‌ چون ،تاکو 12.11 1985 هێزه‌کا رژێمێ  بەری چاڤێ رۆژێ بهەلێت و  تیرۆژکێت سپێدێ شور ببن هێرشه‌ک ئینا سه‌ر گوندی و گوند جاره‌کادی هاته‌ سوتن و7 که‌س بریندارو یه‌ک که‌س هاته‌ شه‌هید کرن ،هه‌روه‌سا پرانیا خه‌لکێ گوندی گرتن و ره‌وانه‌ی بارەگایێ  هەوالگریا سەربازی   ل زاخوکرن،پشتی زیندان کرن وئازاردان و بێ رێرێزی کرنەکا گەلەک پشتی چەند رۆژەکا هاتن ئازادکرن . گەلەك ژ خەلکێ گوندی  پشتی ڤێ گوند سوتنێ مالێن خو ڤەگوهاستن بو دهوکێ و چەند مالەك ژی مان جارەکا دی شیان لگوندی خانێین خو دروست بکەم و تێڤە بژین هیدی هێدی مال کوم بون بڤی ئاوایی مان تاکو سالا  1987 حکمەتا عیراقێ  بریارەك دا هەر کەسەکێ دماوێ ١٥ رۆژادا  کو مالێن وان دیر بن ژ جادێن گشتی دێ وەکی پێشمەرگەی سەرەدەریێ لگەل کەین ئانکو هێلەکا سور دێ ئێتە دانان دناڤبەرا حکمەتێ و خەلکێ ژ دەرڤە  ئەڤە ژی بێ ئالوزیەکا مەزن بو خەلکی چونکی هەمی پێتڤیێت ژیانێ دێ ئێنە برین،ژیان گەلەک بزەحمەت کەت لێ دسەر هندێ را خەلک شیان خو راگرن دبن ڤان هەمی ئالوزیا دا .پشتی ئەو ماوێ حکمەتێ دایی بدیماهیك هاتی  حکمەتێ هەوەکا گوند سوتن و وێرانکرنێ دەست پێ کر،بڤێ ئەگرێ گوندێ لیناڤا جارەکا دی بدژواری کەتە بەر توپ بارانکرنێ ،خەلکی ڤێ جارێ  بتمامی گوند چولکر و ل ئاقارێ گوندی خانی بخو چێکرن  و تێڤە ژیان ،چونکی پرانیا خانیێن  گوندی هاتن وێرانکرن،هوسا خەلك ل ئاقارێ گوندی ژیا  تاکو ئەنفالا رەش ٢٨.٨.١٩٨٨ دەست پێ کری ،ڤێجارێ وەکی هەمی گوندێن کوردستانێ لیناڤا کەتە بەر هێرشا بێ رەحمانە یا لەشکەرێ عیراقێ گەهشتنە گوندی و بەر لسەر بەری نەهێلا  بیرا گوندی  ئاڤێ تێنتی کر و چەندین دارێن مازن یێن هژیرا ب شەفەرا ئێخستن و ئاگر بەردا مێشێن هنگڤینی  هەر تشتێ کەتبا بەر دەستی خو ژێ نە دپاراست ،خەلکێ گوندی هندەك بەرف سنورێ تورکی کەتنە رێ بشەڤ و نیڤ شەڤ هەتا خو گەهاندە سنوری گەلەک ژی نەشیان خو قورتال کەن خو ڤەشارتن تاکو١١.٩.١٩٨٨حکمەتێ بریارەك دا بو لێ بورینا خەلکی ،ئەو خەلکێن خو ڤەشارتین شیان مفایی ژ ڤێ بریارێ ببینن چون خوتەسلیم کرن ،هەمی پێکڤە  کرنە د ترمبێلێن لەشکەری دا برنە ئوردوگەها بەحرکێ  کو سەر ب پارێزگەها هەولێرێ ڤەیە ، قربانێن ڤێ هێرشێ ل گوندی  سێ کەس بون هەتا نوکەژی  دبەرزەنە ،ئێک  ژوان عزت ابراهیم خضر کەسەکێ دلپاک و بەرێز و ئاخفتن خوش بو کەسێ دوێ حسن صالح  بو گەنجەکێ نی گەهشتی و  ژێهاتی بو  یێ  سیێ عبدلخالق حمێ  بو لەسەکێ گەلەک ئاخافتن خۆش و سوحبەتچی بولێ مخابن کەتنە بەر  زۆرداری یا رژێمێ 

 

 

Gratis Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!