مالپەرا لیناڤا


مەلایێ جزیری

صباح الخیر خانێ من

 

 

 

صباح الخیر خانێ من شەهی شیرین زەبانێ من

تویی روح و رەوانێ من ببت قوربان تە جانێ من

 

تعالی قالله چ ذاتی تو چ وەی شیرین صفاتی تو

نەوەك قەند و نەباتی تو یەقین روح و حەیاتی تو

 

حەیات و راحەتا جانم صباح الخیر یا خانم

وەر بیناهیا چاڤان ببینم بەژن و بالایێ

 

صباح الخیر مەستا من لەطیفا جام ب دەستا من

خومار و مەی پەرستا من تویی مەقصود و قەستا من

 

ژ مەقصودان تویی بەس من ببن بەر چەخی ئەطلەس من

ژ غەیری تە نەڤێت کەس من برەشتوزێن مقوس من

 

د بەندا زولفێ چەوکانم صباح الخیر یا خانم

وەرە بیناهیا چەهڤان ببینم بەژن و بالایێ

 

ژوێ زولفێ ژ وێ بەندێ رەهابم لێ ژ پەیوەندێ

سیەه چەشمێ سپی زەندێ تە سوهتم شوبهەتی فندێ

 

شوبهه شەمع و شەمالم ئەز ژ بەر حوببا تە لالم ئەز

ضەعیفم وەك هلالم ئەز صفەت گویین دکالم ئەز

 

ڤ بولبولرا ب ئەفغانم صباح الخیر یا خانم

وەرە بیناهیا چەهڤان ببینم بەژن و بالایێ

 

ڤ بولبولرا شەڤ و رۆژێ ل سەر وێ تەرح و بشکوژێ

ئەنی ماهی شەفەق رۆژێ تە سوهتم شوبهەتی دوژێ

 

کو دورم ئەز ژ وێ حورێ تنێ جارەک ل سەر سورێ

ژ وادێ ئەیمەنا طورێ تەجەللا کر د نیڤ نورێ

 

ژ وێ سوهتی دل و جانم صباح الخیر یا خانم

وەرە بیناهیا چەهڤان ببینم بەژن و بالایێ

 

ژ حوسنا وێ تەجەللایێ ید بیضا و بالایێ

چ وەصفان بێم خەبەر نایێ وەلێ دل جەذبەئی دایێ

 

نەهشیارم ژ وێ بەرقێ ژ زەر تاجێ ل سەر فەرقێ

سپێدەهدا حەتا شەرقی بەلێ نائێخمێ فەرقێ

 

ژ ضەربێ عشقێ نالانم صباح الخیر یا خانم

وەرە بیناهیا چەهڤان ببینم بەژن و بالایێ

 

ظەریفێ نازکێ شەنگێ صفەت حوری پەری رەنگێ

ب رۆژێرا تو هەڤدەنگێ دو رەشتوزێن سیەه یەنگێ

 

کشاندن لێ نە وەك جاران خەدەنگێن قەوسێ نو باران

ژ رەنگێ شیرو موکاران رەشاندن سینە وەك جاران

 

ژوێ ضەربێ پور ئێشاندم صباح الخیر یا خانم

وەرە بیناهیا چەهڤان ببینم بەژن و بالایێ

 

ڤەکە جارەک خەط و خالان ل سەر وان مەسنەد و پالان

بخونە لێ مە عەبدالان ببینن عید و سەر سالان

 

ئجازەت دی مە دەستوری پەری رەنگی صفەت حوری

ژنیڤا ظولمەت و نوری بنوشین مەی د فەرفوری

 

ژ دل تالانێ خالانم صباح الخیر یاخانم

وەرە بیناهیا چەهڤان ببینم بەژن و بالایێ

 

ژ شەهکاسا کو قەرقەف تێ مەیا نورین مشرف تێ

نشانەك دلبەرێ کەفتێ ژ بو من هەر سەحەر خەف تێ

 

ژ وێ جامێ دنوشم ئەز سەحەر لەو نەی ل هوشم ئەز

ژ عامێ لێ دپوشم ئەز ب جان هەر لێ دکوشم ئەز

 

کو غالب مەست و سەکرانم صباح الخیر یا خانم

وەرە بیناهیا چەهڤان ببینم بەژن و بالایێ

 

وەرە پێش بەر مەلایێ خوە شەهید و موبتەلایێ خوە

ب شەفقەت کەی لقائێ خوە مەلا نەمرت ب دایێ خوە

 

مەسیحایێ ل بیماران کەسێن گەستی دو رەشماران

شەهیدێ شیرو موکاران کری ئامانجێ نو باران

 

ل دیدارا تە حەیرانم صباح الخیر یا خانم

وەرە بیناهیا چەهڤان ببینم بەژن و بالایێ

 

 

 

 

 

 

نێرگزێن شەنگی دمەستن

 

نێرگزێن شەنگی دمەستن چەپ و راست

ساقیان جامێ ددەستن چەپ و راست

 

راست و چەپ تێن جەگەر وسینە کولاب

عەرعەرێن شەنگی دمەستن چەپ و راس

 

تۆخ و عالا کو خویا بون ژ عەجەم

عەرەبان تیپ شکەستن چەپ و راست

 

بەر ڤ شەرقی د سەحەر وەدستاین

هندوین رۆژ پەرەستن چەپ و راست

 

قەیصەرێ رومێ ل سەر حەددی فرەنگ

طوپ و زنجیر ڤەبەستن چەپ و راست

 

هەردو دەستێن خوە حەمائل شەڤەکێ

مە ژ بو یارێ دخوەستن چەپ و راست

 

ڤەھ مەلێ سر پەریا حوری صفەت

صەد مەلەک دەستی ب دەستن چەپ و راست

 

Nachricht versenden
بابەت *
سەرنج نڤێسین
پەیوەندی کرن
Sicherheitscode:
 (bitte übertragen Sie in das Feld)
Datenschutz
Die Nutzung des Kontaktformulars unterliegt der Datenschutzerklärung. Diese Datenschutzerklärung wird durch Anklicken des Hakens akzeptiert.
Nachricht wurde erfolgreich gesendet!

Eigene Webseite von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!